Çka është jeta, Isë?
- Fluskë sapuni (bën edhe fluskë shamponi, nëse s'të ka qëllu sapuni)
Çka është dashuria?
- Eh, dashuria është luks, është festë që nuk e festojnë myslimanët (dhe mirë ia bëjnë).
Çka është qesharake?
- Nëse Rrahman Morina do të ringjallej në trupin tim e unë të bëhesha dem.
Se demat pastaj, sipas Oshos 'hanë mëngjes-bëjnë seks, hanë drekë-bëjnë seks, hanë darkë-bëjnë seks'.
Ky mallkim në ringjallje i gjen të gjithē ata që në këtë jetë e kanë përbuzur seksin.
Ç'është budallallëku?
- Ta duash atë që e ke. Nuk bën të humbim energji dashurie në gjërat që i kemi.
Çka është prehri?
- Vend prej tuli ku (nëse të lejon bartësi i prehrit në fjalë) mund të ulesh të pushosh!
Sa lloje të prehrave i kemi?
- Prehri i majtë, i djathtë dhe prehri i qendrës.
Çka është miku?
- Mik është ai me të cilin i ndërron teshat, si unë e Avdullahu që shpesh ia huazojmë njëri-tjetrit setrat. Ai mua më ka idol e unë e kam shok.
Çfarë ia prish burrit seriozitetin?
- Kënaqësia dhe qeshja.
A ka diçka më të rëndë se fjala?
- Po, krejt janë më të rënda se fjala.
Çka është tradhtia?
- Tradhtia është veprim që bëhet pa dijeninë dhe dëshirën e personit të tradhtuar.
A ka fund LDK-ja?
- Fundin e botës dhe të LDK-së e di veç Zoti.
Çka ke pasur dëshirë të bëhesh kur ke qenë i ri?
- Komedian.
A e ke shitur këpuca në Vranjevc?
- Jo, është dezinformatë kjo, unë kurrë s'kam shitur këpuca, në jetën time kam shitur veç çizmice!
Çka ke të përbashkët me Hashim
Thaçin?
- Shenjën e horoskopit (Dem).
Me Vjosën?
- Shenjën e horoskopit.
Me Albin Kurtin?
- Kombësinë.
Me Enver Hoxhajn?
- Në një moment të caktuar të dy kemi qenë kundër luftës.
Çka është bashkimin kombëtar?
- Momentalisht është iluzion i Ramushit.
Kush do t'i humb zgjedhjet!
- Fituesi.
P.S. Shyqyr që nuk mbahen zgjedhjet më 20
shkurt, se deri atëherë LDK do të binte në 7 për qind.
