BE, për Serbinë nënë, për Kosovën njerkë!

Opinione

BE, për Serbinë nënë, për Kosovën njerkë!

Faton Mehmeti, Bota sot Nga Faton Mehmeti, Bota sot Më 23 tetor 2021 Në ora: 14:50
Foto ilustruese

Tanimë janë bërë 10 vjet nga fillimi i dialogut Kosovë-Serbi me ndërmjetësim të BE-së. Duke shikuar në kohën pas, pyetja që lind vetvetiu është: Cili është rezultati i një dekade bisedime?! Përgjigja e kësaj pyetje, e cila lind edhe pyetje të tjera, në parim nuk ka sjell rezultatet as minimale në afrimin e mendimeve të palëve të përfshira në këtë proces. Si Kosova ashtu edhe Serbia janë në pozicione të njëjta, Kosova s`ka pse të lëviz nga pozicioni i saj, shpesh është treguar edhe e pa dinjitet karshi vetës për hir të kompromisit, të cilin Serbia në vazhdimësi e ka refuzuar. I pari që ka nisur këto bisedime ka qenë ish-presidenti i Kosovës, Hashim Thaçi, pa asnjë plan serioz, konkret dhe në harmoni me gjithë spektrin politik në Kosovë. Këto bisedime, të cilat Hashimi i quante teknike, asnjëherë nuk ishin të tilla, s`mund të ishin të tilla derisa Serbia s`të njeh, pa njohjen e Serbisë Kosova s`ka pse bën asnjë hap para.

Nga gjithsej 35 marrëveshjet e arritura, s’mund të thuhet se asnjë nga këto zbatohet 100%, disa pak e disa asnjëherë s`kanë nisur së zbatuari. BE në gjithë këtë proces është treguar e një anshme, haptazi ka mbështetur Serbinë, të cilës i ka hap bisedimet për anëtarësim në BE, derisa Kosovën e le peng për liberalizim të vizave edhe pse i ka përmbushur kushtet.

Pavarësisht se Serbia shpesh herë, sidomos nga Gjermania po kushtëzohet për futjen në BE me arritjen e marrëveshjes më Kosovën, një gjë e tillë nuk e pengon Serbinë që edhe 100 vjet me qëndruar në këtë pozicion. Serbia nuk e ka patjetër futjen ne BE, qytetarët e saj kanë liberalizim të vizave, ekonomia serbe po ndihmohet nga ajo ruse, arabe dhe vendet tjera. Më tepër është interes i BE për ta futur Serbinë në BE për ta tërhequr nga komanda ruse, Kosova e pëson nga kjo gjë, në pritje të arritjes së marrëveshjes me Serbinë janë stopuar edhe njohjet, anëtarësimi i Kosovës në organizatat e ndryshme nuk po ecën, liberalizimi është stagnuar, vetëm durimi nuk po u soset qytetarëve të Kosovës.

Asnjë vend në botë s`do kishte duruar si qytetarët e Kosovës ndaj sjelljeve të BE. Si shenjë revolte me sjelljet e BE ndaj Kosovës të cilën e trajton si njerk, Serbinë si nënë, duhet pezulluar raportet e Kosovës me BE. Kosova s`ka çfarë të ofrojë më shumë, duhet BE të reflektojë karshi veprimeve të saj, të ndryshojë kursin e sjelljeve të saja. Tradicionalisht Evropa ka qenë në anën e Serbisë, Kosova duhet të shikojë kah SHBA, e vetmja adresë e sigurt për të tashmen dhe të ardhmen e vendit tonë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat