Kritikohen ashpër partitë politike për mos respektim të masave anti-covid

Politika

Kritikohen ashpër partitë politike për mos respektim të masave anti-covid

Nga: A.SH Më: 26 janar 2021 Në ora: 16:58
Foto ilustrim

Partitë politike po vazhdojnë të mbajnë tubime me shumë njerëz të grumbulluar dhe për këtë janë gjobitur nga Komuna e Prishtinës për mosrespektimin e masave anticovid.

Analisti Sulejman Mehazi në një prononcim për “Bota sot”, ka thënë se, ata të cilët zëshëm prezantojnë shtet ligjor, mirëqenie sigurie e shëndetësore, kurse në anën tjetër vetë ata veprojnë kundër këtyre ligjeve shtetërore, është absurde, e pa tolerueshme dhe e turpshme.

“Është e arsyeshme që qytetarët të mos respektojnë masat prezentive antikovid pasi edukata, përkujdesja e disiplina individuale e familjare varet nga vetë ata, po këto rregulla antikovid të mos respektohen nga partitë politike që gjatë fushatës zgjedhore zëshëm prezantojnë shtet ligjor, mirëqenie sigurie e shëndetësore, a në anën tjetër vetë ata veprojnë kundër këtyre ligjeve shtetërore, është absurde, e pa tolerueshme dhe e turpshme”, shprehet Mehazi.

Image
Sulejman Mehazi

 

Sipas tij, ku qëndron besimi këtu kur partitë politike që pretendojnë të udhëheqin shtetin, qeverinë, drejtësinë, sigurinë e shëndetësinë e vetë nuk respektojnë fare rregullat kundër kësaj murtaje vdekjeprurëse.

“Si është e mundur që qytetarët të ju besojnë partive politike që pretendojnë të udhëheqin shtetin, qeverinë, drejtësinë, sigurinë e shëndetësinë e vetë nuk respektojnë fare rregullat kundër kësaj murtaje vdekjeprurëse”, thotë Mehazi.

Ai për dënimet ndaj partive politike thotë se, të jenë drastike e marramendëse sa s'është vonë, përndryshe dhe më do shtohet numri i të infektuarve dhe të vdekurve.

“Nëse për mosrespektimin e masave antipandemike dënohen qytetarët e Kosovës, pse dhe me çfarë të drejte tê mos dënohen edhe partitë politike, bile gjobat e partive politike duhet të jenë drastike e marramendëse sa s'është vonë, përndryshe dhe më do shtohet numri i të infektuarve dhe të vdekurve. Sa qesharake e ironike, partitë politike luftojnë për të qeverisur shtetin, ama ligjet e dënimet të ju veshën qytetarëve, e jo partive, të tubojnë simpatizantët e vet nëpër tubimet e tyre partiake, e partia të mos dënohet e simpatizantët po, a në këtë mënyrë duan të qeverisin? Nëse gjatë kovidit qytetari dënohet dhjetë euro, partitë politike si prezantues të ligjeve duhet të dënohen me qindra-mijë euro”, përfundon Mehazi.

Shfaq komentet
comments powered by Disqus
Sot mund të lexoni Shfletoni kopertinat