“AKR në zgjedhjet lokale do të garojë si parti e vetme”

Politika

“AKR në zgjedhjet lokale do të garojë si parti e vetme”

Nga: M.H. Më: 14 gusht 2021 Në ora: 22:30
Foto ilustrim

Zgjedhjet lokale pritet të mbahen në tetor të këtij viti.

Më datën 17 tetor qytetarët do të kenë rastin të zgjedhin kryetarin/en për komunat e tyre, shkruan “Bota sot”.

Në lidhje me këtë temë në një intervistë për “Bota sot”, nga AKR ka folur këshilltari i Pacollit, Naim Murseli.

I pyetur për pretendimet që ka AKR në këto zgjedhje, Murseli thotë se do të garojnë për vendin e parë dhe se do të ketë në listat tona njerëz të rinjë dhe shumë punëtorë.

“AKR ka kandidatin e saj për Kryetar të Prishtinës, z. Selim Pacolli, i cili ka dëshmuar aftësinë e tij për të udhëhequr me një qytet si Prishtina. Ne garojmë për vendin e parë, dhe ashtu janë pritjet tona. Në komunat tjera ne garojmë me listat e asambleistet të cilët i përkasin gjeneratës së re, me njerëz të dijshëm dhe punëtorë”, u shpreh ai.

Image
Naim Murseli

Ndërsa nëse do të hyjë AKR në zgjedhjet lokale si parti e vetme apo koalicion me ndonjë parti tjetër politike, ai tha se do të garojnë si parti e vetme por që do të mbështes kandidatët e partive të afërta me AKR-në.

“Ne do të garojmë si parti e vetme por në disa raste edhe duke mbështetu kandidatët e partive të afërta me AKR-në”, përfundoi Murseli për “Bota sot”

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat