Dëshmitë që e përfshijnë Ali Ahmetin në vrasjen e vëllezërve Gërvalla/ Publicisti flet për prapaskenat e rastit

Politika

Dëshmitë që e përfshijnë Ali Ahmetin në vrasjen e vëllezërve Gërvalla/ Publicisti flet për prapaskenat e rastit

Nga: A.M. Më: 21 nëntor 2021 Në ora: 18:32
Ali Ahmeti

Atentati ndaj tre heronjve shqiptarë në Gjermani. Jusuf e Bardhosh Gërvallës dhe Kadri Zekës, mbetet një pikë e zezë në historinë e vendit tonë, shkruan “Bota sot”.

Kanë kaluar afër 4 dekada nga ky atentat dhe ende shteti i Kosovës nuk ka hapur zyrtarisht hetime për këtë rast.

Në lidhje me këtë çështje ka pas shumë persona të dyshuar, në mesin e tyre edhe kryetari i BDI-së, Ali Ahmeti.

Një pyetje tjetër, e shtruar me të drejtë, është se "A mund të hetohet edhe Ali Ahmeti, i përmendur për rastin e Vëllezërve Gërvalla e Kadri Zeka, nga hetuesia e Kosovës?

Publicisti Idriz Zeqiraj foli për dyshiminmbi Ali Ahmeti për përfshirjen në vrasjen e vëllezërve Gërvalla dhe Kadri Zekës.

Zeqiraj përmendi disa dëshmi të të burgosurve politikë në burgun e Smrekonicës që e implikon edhe Ali Ahmetin.

Image
Publicisti Idriz Zeqiraj

“Të burgosurit politikë, të viteve `80-a, në burgun e Smrekovnicës, në Vushtëri, kanë denoncuar Ali Ahmetin, të sjellur nga burgu në Maqedoni, të cilin, eprorët e burgut, e dërgonin nëpër pavijone, për provokime e përgjime. Gazetari maqedonas, Zoran Bozhinovski, e implikon kryetarin e BDI-së, Ali Ahmetin, në likuidimin e atdhetarëve Jusuf e Bardhosh Gërvalla dhe Kadri Zeka.

Gazetari i cituar ka publikuar edhe disa dokumente, por nuk dihet nëse janë origjinale. Ahmeti paraqitet si spiun i dyfishtë, me nofkën "Ibar". Megjithatë, sipas agjencisë të lajmeve INA, organet përkatëse ende nuk e kanë konfirmuar”, deklaroi ai.

Në vazhdim, publicist tha edhe disa dyshime shtesë mbi Ahmetin, të cilar janë edhe hyrje-daljet në Kosovë, në kohë zezonë, e që i ishte dhënë epiteti "skitalicë", bredhës i shpenguar.

“Për Ali Ahmetin ka edhe dyshime shtesë. Për hyrje-daljet në Kosovë, në kohë zezonë, i është dhënë epiteti "skitalicë", bredhës i shpenguar. Veç kësaj, ai ishte pjesë e Kryesisë të LPK-së, kur Hashim Thaçi, me klanin e Drenicës, në koordinim me Tiranën zyrtare social-komuniste, për ta sabotuar luftën e Kosovës, bëri puçin, brenda LPK-së, në Mërgatë. Hashimi, me drenicakët e tij, përjashtoi Kryesinë e vjetër të Lëvizjes, i akuzoi për tradhti, grabiti Fondin "Vendlindja thërret", fletushkën përçarëse antikombëtare "Zëri i Kosovës". Megjithatë, Ali Ahmeti heshti!”, theksoi Zeqiraj.

Gjithashtu, publicist tha se dyshimetu shtuan kur kryetari i BDI-së e mori për këshilltar të akuzuarin kryesor për vrasjen e vëllezërve Gërvalla dhe Zekës.

Ndër të tjera, ai përmendi edhe aferën “Kumanova” e cila tha se mbetet engimë e pazgjidhur.

“Dyshimi u shtua, kur Aliu mori për këshilltar politik, të akuzuarin kryesor për çështjen e Gërvallajve dhe Zeka. Kjo u lexua se kanë ndërvartësi krimiminale, për çështjen në fjalë, pra, i lidh krimi.

Afera e Kumanovës, mbetet gjithnjë enigmë e pa zgjidhur. Në mesin e djemëve të rinj, të pafajshëm, pjesë e aksionit, kanë qenë edhe disa të inkriminuar fort në Kosovë, në krime dhe haraç. Mediat e vitit 2015, kanë akuzuar disa syresh për dajak dhe haraç, në llogari të shefave partiak, komandantë zullumqarë, në krime dhe hajni zyrtare. Ali Ahmeti akuzohet se u erdhi në ndihmë, kolegëve të tij krye-partiakë, për t`i eliminuar disa nga ata, që ishin dëshmitarë potencialë të Hagës”, nënvizoiai.

Tutje, Zeqiraj u befasua nga qeveria gjermane e cila nuk ka e ka marrë seriozisht këtë rast dhe nuk i kanë bërë hetimet e duhura në këto vrasje.

Mirëpo, ai e tha faktin se sipas maksimës juridike, "krimit nuk i skadon afati".

“Habit sjellja e çuditshme, skajshëm indiferente, e palës gjermane për vrasjen e Vëllezërve Gërvalla e Kadri Zeka. Ngjallë dyshimin e bazuar, se qeveria e socialsemokratëve, (SPD), nuk e bëri detyrën hetuese e zbuluese. Marrëdhëniet gjermano-jugosllave ishin fort të mira. Përndryshe, të paktën, në territorin gjerman kishte ndodhur krimi, aty ishin bashkëpunëtorët e UDB-së jugosllave dhe faktet nuk mungonin, deri sa një Komitet", grup i organizuar kriminal, terrorist, kishte dënuar me vdekje dy vëllezërit Gërvalla.

Ministrii Brendshëm, Kinkel, nga qeveria e SPD, më vonë edhe Ministër i Jashtëm, "nuk ua ka bërë shumë dert", as shqiptarëve, të cilët reaguan me kërkesa e protesta, për hetimin e çështjes, deri në zbulim, por, as Familjes Gërvalla!? Megjithatë, sipas maksimës juridike, "krimit nuk i skadon afati". Dhe, këtë po e dëshmojnë edhe gjyqet kundër nazistëve, në Evropë dhe Amerikë, edhe sot, pas 75 vitesh”, tha ndër të tjera Zeqiraj.

Në fund, publicisti kërkoi nga Qeveria e Kosovës duhet t`i jap fund heshtjes, për vrasjen e Jusuf e Bardhosh Gërvallës dhe Kadri Zekës, të ndodhur 40 vite më parë.

“Rrjedhimisht, Qeveria e Kosovës duhet t`i jap fund heshtjes, për vrasjen e trefishtë, në Untengruppenbach të Shtutgartit, përkatësisht, të Jusuf e Bardhosh Gërvalla dhe Kadri Zeka, të ndodhur 40 vitë më parë. Një hetim serioz, do të arrinte zbulimin e shumëpritur, nga populli i Kosovës dhe Shqiptaria mbarë”, përmbylli Idriz Zeqiraj për “Bota sot”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat