“Një minutë është tepër, jo një vit”/Lladrovci flet për ish-krerët e UÇK-së në Hagë

Politika

“Një minutë është tepër, jo një vit”/Lladrovci flet për ish-krerët e UÇK-së në Hagë

Nga: A.M. Më: 31 dhjetor 2021 Në ora: 20:50
Foto ilustrim "Bota sot"

Kanë kaluar më shumë se një vit që nga koha kur Gjykata Speciale ka konfirmuar aktakuzat e ngritura ndaj ish-krerëve të UÇK-së.

Së fundmi, Dhomat e Specilaizuara kanë konfirmuar vazhdimin e paraburgimit për ish-presidentin Hashim Thaçi.

Këtë proces gjyqësor e ka komentuar edhe kryetari i Drenasit nga radhët e PDK-së, Ramiz Lladrovci.

Fillimisht, ai u shpreh se emërtimi i UÇK-së si “Ndërmarrje e Përbashkët Kriminale” është tepër fyes dhe i rëndë.

Image
Ramiz Lladrovci.

“Si çdo qytetar i lirë i këtij vendi dhe që ka përjetuar gjenocidin serb në familje, farefis dhe në kombin e tij, bëj dallimin në mes të palëve. Vetë emërtimi i krijuar “Ndërmarrje e Përbashkët Kriminale” për ta dhe të gjithë neve dhe shtetin, është tepër fyes, është tepër i rëndë”, u shpreh Lladrovci.

Gjithashtu, ai tha se është kohë e tmerrshme për ish-krerët e UÇK-së dhe familjet e tyre, duke shtuar se është zhgënjyes fakti se u ngritën këto lloj akuzash.

“Të ngrihet akuza për veprimtari çlirimtare, të cilët i ndihmoi tërë populli dhe mori përkrahje nga bota demokratike, është tepër zhgënjyese. Kaloi një vit prej se ata gjenden në Hagë, shokët e miqtë tanë, ish drejtuesit e UÇK-së dhe shtetit të Kosovës, gjithsesi është kohë e tmerrshme për familjet, për neve dhe proceset ku ndodhet Kosova. Një minutë është tepër, jo një vit. Uroj të fitojë drejtësia sa më parë”, theksoi Ramiz Lladrovci për “Bota sot”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat