Anëtarësimi i Kosovës në OSBE varet nga dialogu me Serbinë

Politika

Anëtarësimi i Kosovës në OSBE varet nga dialogu me Serbinë

Nga: M.H. Më: 26 janar 2022 Në ora: 13:30
Michael Carpenter

Ditë më parë diplomati amerikan, Michael Carpenter, ambasador i Shteteve të Bashkuara në Organizatën për Siguri dhe Bashkëpunim në Evropë (OSBE), në një deklaratë të javës së kaluar shprehte një keqardhje për faktin që Kosova nuk është anëtare e kësaj organizate dhe që të mund të fliste vetë. Por, po në këtë deklaratë ai ka paralajmëruar anëtarësimin e shpejtë në OSBE.

Mezi presim ditën kur Kosova të jetë shtet pjesëmarrës i kësaj organizate dhe kjo mund të ndodhë”, thuhet në deklaratën e Carpenter.

Në lidhje me këtë temë analisti politik, Islam Krasniqi në një bashkëbisedim me “Bota sot”, thotë që pranimi i Kosovës në OSBE është shumë afër veçse i duhet një mbështetje e SHBA-ve për të arritur një marrëveshje në dialog mes Kosovës dhe Serbisë.

Image
Islam Krasniqi

Pranimi i Republikës së Kosovës në Organizatën për Siguri dhe Bashkëpunim në Evropë nuk besoj se është i largët, mirëpo na duhet vetëm mbështetja e SHBA-ve, të cilët janë edhe një lloj çelësi për ne, duke e ditur se tani çdo proces i Republikës së Kosovës po varet edhe nga të arriturat në dialog”, thotë analisti.

Ai në fund thotë se anëtarësimi i Kosovës në OSBE varet shumë nga dialogu me Serbinë, mirëpo që me Biden urojmë që do të hapen dyert në bashkësinë ndërkombëtare.

Andaj anëtarësimi i Republikës së Kosovës varet krejt nga dialogu Kosovë-Serbi, e që po besojmë se Presidenca e Biden-it do ta mbyllë procesin e dialogut me njohje reciproke, e që edhe për Republikën e Kosovës do të hapen dyert drejt OKB-së apo bashkësisë ndërkombëtare”, përfundoi Krasniqi për “Bota sot”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat