Rusia po vazhdon të bëjë propagandë kundër Kosovës, në mënyra të ndryshme, ndërsa perëndimi është duke e mbrojtur ndërhyrjen e tij, si të pashmnagshme, në përpjekje për t’i dhënë fund gjenocidit.
Përveç propagandës Rusia është duke zhvilluar një luftë speciale kundër Kosovës, një luftë hibride por e cila mund të eskalojë, në rast se ajo së bashku me Serbinë kryejnë veprime të luftës speciale në terren.
Rusia sot po e shantazhon Perëndimin me goditje të armëve bërthamore, nëse ai i koordinon përpjekjet për ta ndihmuar me armatim, municione, pajisje ushtarake dhe teknike Ukrainën.
Presidenti amerikan Biden iu kundërpërgjigj duke pohuar se janë vetëm dy rrugë aktualisht, hyrja në një luftë të tretë botërore, ose vazhdimi me sanksione.
“Kosova t’i kundërpërgjigjet veprimeve kriminale”
Rusia po vazhdon të bëjë propagandë kundër Kosovës, në mënyra të ndryshme, ndërsa perëndimi është duke e mbrojtur ndërhyrjen e tij, si të pashmnagshme, në përpjekje për t’i dhënë fund gjenocidit.
Përveç propagandës Rusia është duke zhvilluar një luftë speciale kundër Kosovës, një luftë hibride por e cila mund të eskalojë, në rast se ajo së bashku me Serbinë kryejnë veprime të luftës speciale në terren.
Rusia sot po e shantazhon Perëndimin me goditje të armëve bërthamore, nëse ai i koordinon përpjekjet për ta ndihmuar me armatim, municione, pajisje ushtarake dhe teknike Ukrainën.
Presidenti amerikan Biden iu kundërpërgjigj duke pohuar se janë vetëm dy rrugë aktualisht, hyrja në një luftë të tretë botërore, ose vazhdimi me sanksione.
“Kosova t’i kundërpërgjigjet veprimeve kriminale”
Muhamet Kelmendi
Lidhur me këtë, juristi Muhamet Kelmendi, në një prononcim për “Bota sot”, i vlerëson si pjesë të luftës speciale, si krahasimin e rastit të Kosovës me pushtimin e Ukrainës, nga Putini dhe deklaratat tjera kundër Kosovës nga ministri i Jashtëm rus, Sergej Lavrov.
Sipas Kelmendit idetë e atilla të shtyjnë të mendosh se Serbia mund ta ndjekë modelin e agresionit rus ndaj Ukrainës.
“Moska po bën luftë speciale për të përgatitur agresionin në Ukrainë dhe veprimet serbe në Veri të Kosovës. Në kuadër të parapërgatitjes së agresionit rus në Ukrainë është edhe deklarata e Lavrovit, Ministrit të Punëve të Jashtme të Rusisë, mbi atë: "(...) terroristë nga Kosova dhe nga Shqipëria gjinden në Ukrainë për të luftuar kundër Rusisë". Kjo deklaratë ka karakter të shumëfishtë: 1. Tregohet se gjoja nga Kosova dhe Shqipëria ka kriminelë dhe terroristë që shkojnë nëpër vende tjera për të luftuar. 2. Se Kosova dhe Shqipëria, sidomos Kosova, është/janë shtete kriminale që nuk i plotësojnë kushtet për shtete. 3. Me atë po përgatitet gjendja që në rast të agresionit rus mbi Ukrainë të fillojë edhe agresioni serb, nëse jo mbi tërë Kosovën, atëherë mbi pjesën veriore të saj dhe 4. Me atë veprim të politikës ruse po përgatiten terrene për të hapur shumë konflikte të armatosura apo vende për rrezik për luftë për NATO-n, për SHBA dhe për aleatët tjerë”, thotë ai.
Tutje u shpreh se Rusia pas fillimit të luftës në Ukrainë, atëherë, do të jetë e pritur që Moska ta urdhëroj Serbinë për ta sulmuar Kosovën.
Rreziku nga invazioni në veri
Kelmendi e tregoi edhe qëllimin e këtyre sulmeve, e që sipas tij, është hapja e sa më shumë konflikteve në mënyrë që NATO-ja dhe SHBA-ja të mos jenë të përqendruara vetëm në Ukrainë.
“Nuk është fare e papritshme që me rastin e agresionit rus ndaj Ukrainës, pra duhet pritur që Moska të urdhërojë Serbinë për ta sulmuar ushtarkisht Kosovën. Këtej pritet që të kërkojë që edhe serbët në BH të ndahen nga ai shtet dhe ta shpallin bashkimin me Serbinë. Këso veprime agresive mund të priten në Gjeorgji, në Siri, nga Korea e Veriu nga mercenarët rusë në Afrikë, nga Kuba, Venezuela etj. Natyrisht se gjendjen e tillë të rëndë ndaj Ukrainës mund ta shfrytëzojë edhe Kina. Janë disa vatra të nxehta. Deti jugor i Kinës dhe Tajvani. Qëllimi thjeshtë: Hapja e shumë konflikteve ushtarake, në mënyrë që NATO-ja dhe SHBA-ja të shpërndahen në hapësirë dhe kështu të kalojë shumë më qetë agresioni ushtarak rus në Ukrainë”, theksoi Kelmendi.
Më tej ka deklaruar se deklarata e Lavrovit e ka bazën në drejtim të Kosovës dhe Shqipërisë, madje ai thotë se kjo është një parapërgatitje, sepse edhe veprime kriminale do të kemi në veri të Kosovës.
“Ky skenar është në zhvillim dhe shpejt mund të priten veprime konkrete nëpër vendet e përmendura. Këtu e ka bazën deklarata qesharake dhe fare jo reale e Lavrovit në drejtim të Kosovës dhe të Shqipërisë. Lavrovi dhe Putini e dinë se nuk ka shqiptarë si mercenar në Ukrainë. E megjithatë bëjnë deklarata të tilla. Kjo është një parapërgatitje dhe luftë speciale për veprime ushtarake. Kërcënimi shovenist serb do të intensifikohet. Me siguri se edhe veprime kriminale do të kemi në veri të Kosovës. Priten aksione të rrezikshme në këtë drejtim”, thotë ai.
Kelmendi thotë se Kosova duhet të veprojë kundër veprimeve kriminale, sepse “lufta e armatosur po troket te porta”.
“Natyrisht se organet e shtetit të Kosovës do të veprojnë kundër veprimeve kriminale dhe me këtë hapet mundësia për agresion serb mbi Kosovë. Këtu fillon një luftë e përmasave të gjera shqiptaro-serbe. Ky skenar është në Moskë dhe në Beograd. Dhe mbi këtë po punojnë këto dy qendra kriminale, tepër luftënxitëse dhe armiqësore. Lufta e armatosur po troket te porta””, përfundoi ai.
Hidajet Ahmeti
“T’iu përgjigjet Kosova”
Ndërsa sipas analistit Hidajet Ahmeti, Ministria e Jashtme në mënyrë zyrtare t’i kundërpërgjigjet kësaj propagande.
“Rusia mund të përdor çfarëdolloj prapagande, por nëse mbetet vetëm retorikë politike, nuk ka kurrfarë efekti. Institucionet e Republikës së Kosovës, veçanarisht Ministria e Punëve të Jashtme duhet t'i kundërpërgjigjet kësaj propagande në mënyrë zyrtare”, thotë ai.