Federata e Peshkatarëve nis bartjen e peshqve për të ruajtur faunën ujore

Sporti

Federata e Peshkatarëve nis bartjen e peshqve për të ruajtur faunën ujore

Më: 19 shtator 2025 Në ora: 21:51
Liqeni i Badovcit

Federata e Peshkatarëve Sportivë Rekreativë të Kosovës (FPSRK) ka urdhëruar Shoqatën e Peshkatarëve Sportivë Rekreativë “Llapi” dhe “Krapi” që të realizojnë bartjen e rreth 3,000 kilogramëve peshq nga lumenjtë që aktualisht janë të shterur për shkak të mungesës së reshjeve atmosferike.

Në njoftimin e lëshuar thuhet se ky vendim është marrë pas diskutimeve në Bordin e Federatës, me qëllim të shpëtimit dhe ruajtjes së faunës ujore, si pasojë e kushteve ekstreme të thatësisë.

“Peshqit do të barten dhe sistemohen në mënyrë të kontrolluar në dy liqenet rezervë: Liqeni i Badovcit dhe Liqeni i Batllavës, në përputhje me standardet ekologjike dhe udhëzimet e përcaktuara nga Federata.”

“Ky aksion realizohet me urdhër të kryetarit të Federatës së Peshkatarëve Sportivë Rekreativë të Kosovës,” thuhet në njoftim.

comment Për komente lëvizni më poshtë
Sot mund të lexoni Shfletoni kopertinat