Federeri rikthehet pas dy muajsh pushim

Tenis

Federeri rikthehet pas dy muajsh pushim

Më: 7 prill 2021 Në ora: 16:58
Federeri rikthehet pas dy muajsh pushim

Tenisti zviceran Roger Federer, aktualisht numri 7 në botë, ka vendosur të rikthehet të luajë në fushat me dhe. Ai ka konfirmuar pjesëmarrjen e tij në turneun Masters të Madridit, që zhvillohet më datat 2-9 maj.

Federeri, që vjet u operua dy herë, u rikthye këtë vit pas 13 muajsh pushim, duke luajtur në turneun e Doha (1 fitore, 1 humbje), ku u eliminua në çerekfinale. Ndërsa tani debuton në fushat me dhe.

Ky duket se do të jetë turneu i vetëm përgatitor i Federerit për grand slam të Roland Garros, që nis në fund të majit (23). Në turneun e Madridit do të luajnë 12 tenistë më të mirë në botë, duke përfshirë edhe Nadalin e Gjokoviqin.

Hera e fundit që zvicerani ka luajtur në Madrid ishte viti 2019, ndërkohë që e ka fituar këtë turne tri herë në karrierën e tij.

Shfaq komentet
comments powered by Disqus
Sot mund të lexoni Shfletoni kopertinat