Tenisti zviceran rrëfen dramën e tij: Në vitin 2024 tentova t’i jepja fund jetës

Tenis

Tenisti zviceran rrëfen dramën e tij: Në vitin 2024 tentova t’i jepja fund jetës

Më: 10 nëntor 2026 Në ora: 13:12
Tenisti Leandro Riedi

Leandro Riedi ka bërë të ditur përmes Instagramit se, para më shumë se dy vitesh, kishte tentuar t’i jepte fund jetës.

Sot, ai thotë se mendime të tilla i përkasin së kaluarës.

21 qershori i vitit 2024 është një datë që nuk do ta harrojë kurrë, ka bërë të ditur Leandro Riedi për publikun.

“Atë ditë jeta ime ndryshoi përgjithmonë.

Kisha arritur në një pikë ku tentova t’i jepja fund jetës sime”.

Tenisti 24-vjeçar shkruan se kishte vuajtur nga ankthi, sulmet e panikut dhe një “betejë e brendshme psikologjike”, të cilën, siç thekson ai, shumica e njerëzve përreth tij nuk mund ta shihnin.

Falë “ndihmës më të mirë profesionale që mund të kërkoja dhe shumë punës me veten”, ai arriti gradualisht ta gjente përsëri rrugën drejt rikuperimit.

 “Jam vërtet i lumtur”

Sot, siç shprehet vetë Riedi, ai është “jashtëzakonisht krenar që mund të thotë se ato mendime tashmë i përkasin së kaluarës”.

“Jam vërtet i lumtur, mirënjohës për jetën time dhe i entuziazmuar për të ardhmen.

Kjo përvojë ka ndryshuar këndvështrimin tim për gjithçka.

Kam mësuar se fitoret dhe sukseset nuk kanë shumë kuptim nëse nuk je në paqe me veten.

Shëndeti im, lumturia ime dhe jeta ime janë gjithmonë në radhë të parë”, shkruan tenisti zviceran..

Sot mund të lexoni Shfletoni kopertinat