Tenisti zviceran Kilian Feldbausch (ATP 238) ka fituar titullin e dytë në nivelin Challenger, duke triumfuar në turneun e zhvilluar në Monastir.
21-vjeçari nga Gjeneva fitoi bindshëm në finale ndaj gjermanit Marvin Möller (ATP 229), me rezultat 2:0 (6:1, 6:2).
Një javë më parë, Feldbausch kishte humbur finalen në Taranto, ndërsa tani, pas triumfit në Košice në fund të muajit maj, ka siguruar titullin e radhës.
Zvicerani dominoi plotësisht finalen e së dielës, duke marrë një revansh të merituar ndaj Möller për humbjen në finalen e këtij viti në Troyes.
Falë këtij triumfi, nga e hëna Feldbausch do të hyjë për herë të parë në mesin e 200 tenistëve më të mirë në botë.