Përvoja e vjetshme ishte një makth për tenistët

Tenis

Përvoja e vjetshme ishte një makth për tenistët

Më: 1 tetor 2021 Në ora: 18:47
Përvoja e vjetshme ishte një makth për tenistët

Për momentin duket vetëm si një ide, si një hipotezë, por ditët e fundit janë shtuar zërat se grand slam i Australian Open, turneu i parë i madh i vitit 2022 në tenis, të zhvillohet në një shtet tjetër dhe jo në Australi.

Gjithçka mund të ndodhë për shkak të masave të rrepta anti-Covid që ekzistojnë në Melburn, që u aplikuan edhe këtë vit, por që sollën mjaft pakënaqësi te tenistët. Ideja është që ky turne të zhvillohet në Dubai, por për momentin nuk ka asgjë konkrete, pasi organizatorët shpresojnë që situata deri në janar të jetë më e mirë.

Përvoja e vjetshme ishte një makth për tenistët, që qëndruan dy javë në karantinë pas mbërritjes në Melburn. Më pas ata qëndronin të izoluar dhe dilnin nga hoteli vetëm për stërvitje dhe ndeshje. Ndaj tenistët nuk duan ta përjetojnë sërish këtë situatë, ndërkohë që në turnetë e tjerë ka pasur më shumë lirshmëri.

Në Dubai janë gati t’i mirëpresin kualifikueset e meshkujve të Australian Open ashtu sikurse edhe këtë vit.

Por ata synojnë të organizojnë të gjithë turneun, pasi aty zhvillojnë fazën përgatitore gjatë dimrit shumica e tenistëve.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat