Medvedev dhe Muguruza, me lehtësi në raundin e dytë

Tenis

Medvedev dhe Muguruza, me lehtësi në raundin e dytë

Më: 18 janar 2022 Në ora: 13:06
Medvedev dhe Muguruza, me lehtësi në raundin e dytë

Bartësi i parë në “Australian Open”, në mungesë të Novak Gjokoviçit, tenisti rus, Danil Medvedev, e nisi sigurtë turneun në Melburn. Në raundin e parë, Medvedev mundi Henrik Laksonenin me 3-0 në sete ose 6-1, 6-4 dhe 7-6. Ndërkohë Endi Marej kishte nevojë për 4 orë lojë për të mundur Nikoloz Basillashevillin me 3-2 në sete.

Në raundin e dytë kaluan edhe Andrej Rublev, i cili mundi Xhanluka Magerin me 3-0 në sete, Ozher Alisiam shënoi fitore të vështirë 3-2 ndaj Rusuvorit, ndërsa Çiliç ishte më i mirë se Gomezi, pran rezultatit 3-0.

Në konkurencën e femrave, bartësja e tretë, Garbine Muguruza, eliminoi Klara Burellin me 2-0 në sete, ndërsa Anet Kontavet, pas seteve, mundi Katerina Siniakovën me 3-2.

Në raundin e dytë kalon edhe Iga Shvjontek, e cila mundi Hariet Dart me 2-0. Fitore e sigurtë për Simona Halep dhe Anastasija Pavlençikovën, që mundën Freçin dhe Bondarin, me rezultat identic, 2-0 në sete.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat