Italia mund të përjashtojë rusët e bjellorusët nga turneu Masters

Tenis

Italia mund të përjashtojë rusët e bjellorusët nga turneu Masters

Më: 26 prill 2022 Në ora: 12:15
Italia mund të përjashtojë rusët e bjellorusët nga turneu Masters

Kur duhet edhe një javë që të nisë turneu Masters i Romës në tenis, organizatorët e këtij eventi mund të marrin një vendim për të ndaluar pjesëmarrjen e tenistëve rusë e bjellorusë (si pasojë e pushtimit të Ukrainës).

Një vendim të tillë ka marrë para disa ditësh edhe grand slam i Wimbledon, që zhvillohet në qershor në Londër.

Ai që ka kërkuar marrjen e një mase të tillë ekstreme është presidenti i Komitetit Olimpik Italian (CONI), Giovanni Malago:

“Si president i CONI dhe anëtar i IOC, merrem me politikë sportive. IOC na ka rekomanduar që të mos ftojmë sportistët rusë dhe bjellorusë në evente sportive ndërkombëtare”.

“Wimbledon e mori një vendim të tillë, ndaj duhet ta marrim edhe ne. Gjithsesi, i takon qeverisë të zyrtarizojë gjithçka. Besoj se po studiojnë situatrën dhe vlerësojnë gjërat në mënyrën e duhur. Uroj të merret vendimi i drejtë”, tha Malago. Kundër vendimeve të tilla ekstreme është Federata Ndërkombëtare e Tenisit, që ka kërkuar pjesëmarrjen e tenistëve rusë e bjellorusë si neutralë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat