Nadal në Madrid pas dy muajsh pushim

Tenis

Nadal në Madrid pas dy muajsh pushim

Më: 30 prill 2022 Në ora: 12:32
Nadal në Madrid pas dy muajsh pushim

Pas gati dy muajsh pushim për shkak të një problemi fizik që pësoi në turneun Masters të Indian Wells, tenisti spanjoll Rafael Nadal i është rikthyer fushës.

Fituesi i 21 grand slam do të jetë ditën e hënë në fushë në turneun Masters të Madridit, i pari për spanjollin në fushat me dhè.

Nadal mungoi në Montekarlo dhe Barcelonë, por tashmë duket i rikuperuar edhe pse ndoshta jo në 100% të formës.

Tenisti spanjoll do të testojë veten në këtë turne, ku do të jenë edhe 8 nga 10 tenistët që janë në “top-10” (mungojnë Medvedev dhe Berrettini, të dy të dëmtuar).

“Ky është turneu i parë pas një pushimi të gjatë dhe ndoshta nuk do të shkoj dot shumë larg. Dua të shoh veten dhe formën time, duke nisur një rrugëtim në sipërfaqen e preferuar për të arritur në formën optimale në Roland Garros. Të shohim se si do ët shkojnë gjërat”, tha Nadal.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat