Becker lë burgun londinez, do të shlyejë dënimin në Gjermani

Tenis

Becker lë burgun londinez, do të shlyejë dënimin në Gjermani

Më: 17 nëntor 2022 Në ora: 12:20
Becker

Ish-tenisti gjerman Boris Becker, i dënuar me dy vite e gjysmë burg për falimentim dhe  mashtrim financiar në Angli, do të lërë burgun londinez të Huntercombe dhe do të transferohet në Gjermani. Lajmin e konfirmuan mediat britanike, që thanë se brenda nëntorit, 3 herë fituesi i Wimbledon do të kalojë pjesën tjetër të dënimit në vendlindje.

Becker ka përfituar nga disa rrethana lehtësuese për të përfituar këtë transferim. në prill të këtij viti, fillimisht ai u dërgua në burgun famëkeq të Wandsworth dhe më pas u transferua në Huntercombe, ku përfitoi disa masa lehtësuese.

Ai mori edhe një ulje të dënimit me 135 ditë, duke e lejuar që të aplikojë në programin e transferimit në vendlindje, për të shlyar pjesën tjetër të dënimit.

Kohët e fundit, në burgun lodninez, Becker ka nisur të punojë si asistent i mësimeve të gjimnastikës. Ai është një ikonë e tenisit, së fundi edhe trajneri i Novak Djokovic. gjithsesi, ai do të kalojë Krishtlindjen në vendlindje edhe pse sërish në burg.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat