Erzeni më i mirë se Partizani

Volejboll

Erzeni më i mirë se Partizani

Më: 12 dhjetor 2021 Në ora: 12:15
Erzeni më i mirë se Partizani

Janë luajtur ndeshjet e ditës së dytë të Kupës së Shqipërisë në volejboll për femra, të vlefshme për Grupin B.

Skuadra e Erzenit fitoi 3-1 ndaj Partizanit, duke udhëhequr i vetëm renditjen. Një ndeshje me rivalitet dhe emocione në tri sete. Shijakasit fituan 25-23 setin e parë, ndërsa kryeqytetasit replikojnë, duke fituar 26-24 atë të dytë.

Më pas është sërish Erzeni që ka komandën e lojës, duke fituar 25-22 setin e tretë dhe 25-13 atë të katërt e krejt takimin 3-1. Kjo ishte sfida që duket se vendosi edhe për kreun e grupit.

Në takimin tjetër, Teuta fitoi 3-2 ndaj Elbasanit jashtë fushe, në një ndeshje me emocione edhe pse niveli ishte i ulët. Teuta doli dy herë përpara, duke fituar setin e parë e të tretë (25-23, 25-19), ndërsa Elbasani reagonte duke fituar atë të dytë dhe të katërt (25-20, 25-21).

Mjaft i bukur seti final, fituar nga durrsakët 16-14 në pikët shtesë, duke marrë dy pikët e para në grup.

Grupi A – Dita e tretë

Vllaznia – Tirana, 0-3

Studenti – Farka Volley, 3-1

Skënderbeu (pushim)

Renditja: Tirana 6 pikë, Vllaznia 6 pikë, Skënderbeu 3 pikë, Studenti 3 pikë, Farka Volley 0 pikë.

Grupi B – Dita e dytë

Elbasani – Teuta, 2-3

Erzeni – Partizani, 3-1

Renditja: Erzeni 6 pikë, Partizani 3 pikë, Teuta 2 pikë, Elbasani 1 pikë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat