Skënderbeu hakmerret ndaj Tiranës

Volejboll

Skënderbeu hakmerret ndaj Tiranës

Më: 18 mars 2022 Në ora: 14:12
Skënderbeu hakmerret ndaj Tiranës

Ka përfunduar java e 13-të dhe e parafundit e sezonit të rregullt në volejboll për femra, me sfidën kryesore të Superligës, atë mes Skënderbeut dhe Tiranës, luajtur në Korçë.

Skuadra vendase fitoi 3-0 ndja bardhebluve (25-16, 25-20, 25-23), duke u hakmarrë për humbje dy javë më parë në finalen e Kupës së Shqipërisë.

Këtë herë në fushë dominoi ekipi korçar, që pati epërsi në shumicën e kohës dhe e meritoi fitoren. Tirana luajti me hope dhe rivalizoi vetëm në setin e tretë, por pa mundur ta fitojë atë dhe të rihapë ndeshjen.

Skënderbeu tashmë shkon +6 pikë ndaj Tiranës dhe siguron matematikisht vendin e parë, duke pritur i qetë fazën play off, pasi ka faktorin fushë në favor. Më datën 20 mars do të luhen ndeshjet e javës së fundit të sezonit të rregullt.

Superliga-Femra, java e 13-të

Apolonia – Barleti Volley, 0-3

Flamurtari – Lushnja, 0-3

Vllaznia – Partizani, 0-3

Skënderbeu – Tirana, 3-0

Renditja: Skënderbeu 36 pikë, Tirana 30 pikë, Barleti Volley 27 pikë, Vllaznia 23 pikë, Partizani 22 pikë, Lushnja 12 pikë, Apolonia 6 pikë, Flamurtari 0 pikë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat