Shqipëria mposhtet nga Rumania

Volejboll

Shqipëria mposhtet nga Rumania

Më: 3 gusht 2022 Në ora: 20:04
Shqipëria mposhtet nga Rumania

Ka startuar me humbje aventura e kombëtares së volejbollit për meshkuj, që sot pasdite u mund 3-0 nga Rumania, në ndeshjen e vlefshme për Grupin G të eliminatoreve të Kampionatit Europian.

Sfida u luajt në Rumani, aty ku kombëtarja vendase dominoi në fushë në të trija setet, duke e merituar fitoren.

Ndryshe nga sfida e dy muajve më parë në Ligën e Argjendtë, ku në fushë pati më shumë rivalitet, këtë herë kombëtarja rumune e pati më të lehtë fitoren. Të trija setet ishin fotokopje të njëra-tjetrës, me vendasit që shkëputeshin nga pika në pikë.

Setet u mbyllën me rezultatin 25-16, 25-15, 25-16, në një ndeshje ku Shqipëria e drejtuar nga trajneri Jani Melka pati shumë vështirësi në lojën e saj. Mungesat e disa titullarëve ndikuan në këtë sfidë. Ndeshja e radhës e kombëtares në Europian, pas tri ditësh në “Feti Borova” ndaj Bosnjës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat