Fer Volley së shpejti me trajner të ri

Volejboll

Fer Volley së shpejti me trajner të ri

Nga: K.G. Më: 9 gusht 2022 Në ora: 15:54
Edon Ibrahimi

Fer Volley po negocion me disa trajnerë, por raportohet se pothuajse ka arritur marrëveshjen me trajnerin e ri dhe vetëm pritet të zyrtarizohet.

Është çështje dite zyrtarizimi.

Pas largimit të Edon Ibrahimit, që firmosi me klubin e ri hungarez “Veszpremi Egyetemi Sport Club”, Fer Volley tani synon trajnerin e ri që të përgatiten sa më mirë për elitën e volejbollit të Kosovës (femrat). 

“Trajneri i deritanishëm Edon Ibrahimi vazhdon karrierën në arenën ndërkombëtare!

Pas kërkesës së trajnerit për t’u liruar nga kontrata në mënyrë që të vazhdoj karrierën në arenën ndërkombëtare bordi i klubit miratoi kërkesën e tij, duke i uruar suksese në sfidën e radhës si dhe duke e falënderuar për punën, angazhimin dhe sakrificën që e bëri deri në ngritjen e klubit në nivelin në të cilin gjendet sot!

Klubi do të ju njoftojë më vone lidhur me trajnerin e ri si dhe me përforcimet e radhës!”, njofton KV Fer Volley.

commentFirst article
Sot mund të lexoni Shfletoni kopertinat