Kombëtarja e Shqipërisë mposhtet nga Zvicra

Volejboll

Kombëtarja e Shqipërisë mposhtet nga Zvicra

Më: 13 gusht 2022 Në ora: 21:27
Kombëtarja e Shqipërisë mposhtet nga Zvicra

Kombëtarja e meshkujve në volejboll është mundur mbrëmjen e sotme 3-0 nga Zvicra në ndeshjen e vlefshme për eliminatoret e Europianit, luajtur në kryeqytet.

Sfida ishte e vlefshme për Grupin B, ku Shqipëria e trajnerit Jani Melka ka arritur një fitore e 4 humbje deri më tani, duke u klasifikuar e fundit.

Ndeshja e luajtur në sallën e lojërave “Feti Borova” u dominua e fitua me shumë lehtësi nga miqtë helvetë, që patën epërsi në të tëija setet. Dy setet e para janë totalisht të zviceranëve, që fitojnë pa shumë mund 25-19 e 25-15. Në setin e tretë, Shqipëria përpiqet të rivalizojë disi, por pa sukses.

Ky set u mbyll 25-22 për Zvicrën, që merr tri pikë të rëndësishme. Ndeshja e fundit e kombëtares në grup është ajo ndaj Rumanisë, pas një jave, po në Tiranë. Një ndeshje për statistikë, pasi Shqipëria tashmë s’ka më asnjë shans të kualifikohet më tej.

Kalendari i kombëtares

3 gusht, Rumani – Shqipëri, 3-0

6 gusht, Bosnjë/Herzegovinë – Shqipëri, 2-3

7 gusht, Shqipëri – Bosnjë/Herzegovinë, 1-3

10 gusht, Zvicër – Shqipëri, 3-1

13 gusht, Shqipëri – Zvicër, 0-3

20 gusht, Shqipëri – Rumani (19:00)

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat