Golden Eagle Theranda ka mposhtur si mysafire Lubotenin, në përballjen e vlefshme për xhiron e 15 të Superligës A, meshkujt, të shtunën mbrëma.
Ekipi nga Theranda triumfoi me rezultat 0:3 (23-25, 11-25, 16-25), në një fitore të pastër në Ferizaj.
Luboteni u mundua të rezistonte me një paraqitje të fortë në setin e parë, ku humbi me një diferencë dypikëshe, mirëpo, mysafirët në vazhdim ishin më bindës, eventualisht duke arkëtuar pikët e plota.
Pas kësaj fitoreje, Golden Eagle Theranda grumbullon 14 pikë dhe mbetet në pozitën e pestë, ndërsa Luboteni është në pozitën e fundit me 10 pikë.
