Skënderaj është finalisti i dytë i Play-Off-it në Raiffeisen Superligën A për femra, pasi shënoi fitoren e dytë radhazi ndaj Ferizajt në gjysmëfinale.
Skuadra nga Drenica e nisi ndeshjen me shumë vendosmëri, duke fituar dy setet e para me dominim të qartë.
Ferizaj reagoi në setin e tretë për të mbajtur gjallë shpresat, por Skënderaj u tregua më e përqendruar në momentet vendimtare të setit të katërt, duke mbyllur sfidën 3:1.
Në finalen e madhe, Skënderaj do të përballet me Fer Volley, që gjithashtu e mbylli serinë gjysmëfinale pa humbje.