Klubi i volejbollit Fer Volley ka regjistruar një tjetër fitore të rëndësishme në kampionat, duke mposhtur në udhëtim Fushë Kosovën me rezultat 3:1 në sete.
Skuadra lidere e nisi fuqishëm takimin duke fituar dy setet e para 25-19 dhe 25-17, ndërsa vendaset arritën të reagojnë në setin e tretë me fitore 25-21.
Megjithatë, Fer Volley riktheu kontrollin në setin e katërt për ta mbyllur ndeshjen 25-17.
Ky është triumfi i 18-të nga 19 ndeshje për Fer Volley, që tashmë numëron 54 pikë në krye të tabelës.
Në anën tjetër, Fushë Kosova, pas kësaj humbjeje, rrezikon pozitën e katërt, e cila po synohet nga Skenderaj në garën për një vend në play-off.