Bordi i Federata e Volejbollit të Kosovës mban mbledhjen e radhës dhe merr vendime të rëndësishme.
Bordi i Federata e Volejbollit të Kosovës ka mbajtur mbledhjen e radhës, në Prishtinë, ku janë shqyrtuar dhe miratuar një sërë çështjesh me rëndësi për zhvillimin e volejbollit në vend.
“Në këtë mbledhje, bordi miratoi procesverbalin e mbledhjes së kaluar, raportin e aktiviteteve të Kampionatit Ballkanik U18 për meshkuj dhe femra, si dhe raportin e Ligës “Gjergj Kastrioti”. Gjithashtu, u aprovua në parim edhe raporti financiar (TM4).
Bordi vendosi që Kuvendi i Punës për vitin 2025 të mbahet më 10 prill, duke filluar nga ora 17:00.
Një tjetër vendim i rëndësishëm ishte përcaktimi i datave për gjysmëfinalet dhe finalet e Kupës së Kosovës, të cilat do të zhvillohen më 3 dhe 4 prill 2026 në Prishtinë, në Pallatin e Rinisë dhe Sporteve “1 Tetori”.
Po ashtu, u vendos që Kosova të përfaqësohet në Lojërat Mesdhetare me kombëtaren e meshkujve senior.
Kryetari i FVK-së, Bahri Gjinovci, vlerësoi rëndësinë e këtyre vendimeve për mbarëvajtjen e aktiviteteve dhe avancimin e volejbollit në vend”, njofton FVK.