Abdixhiku: Sportistët tanë mbesin ambasadorët më të denjë të Republikës

Xhudo

Abdixhiku: Sportistët tanë mbesin ambasadorët më të denjë të Republikës

Më: 24 korrik 2021 Në ora: 12:20
Abdixhiku: Sportistët tanë mbesin ambasadorët më të denjë të Republikës

Kryetari i LDK-së, Lumir Abdhxhiku, ka reaguar pasi Distria Krasniqi fitoi Medaljen e Artë në Lojërat Olimpike “Tokio 2020”. Ai ka thënë se sportistët tanë mbesin ambasadorët më të denjë të Republikës.

“Na mbajnë faqebardhë e na bëjnë zemrat mal me çdo paraqitje gjithandej nëpër botë. Janë inspirim i vërtetë për plot të tjerë që një ditë ëndërrojnë ta bëjnë krenar një komb të tërë”, ka shkruar ai në Facebook.

Postimi i plotë i tij:

Medalja e parë në këtë Olimpiadë – që në ditën e parë – dhe atë e artë. Është Distria e artë! Toni Kuka ja del sërish; një mjeshtër i madh!

Sportistët tanë, të rinjtë e të rejat tona, mbesin ambasadorët më të denjë të Republikës. Janë pasuria më e madhe e vendit tonë. Na mbajnë faqebardhë e na bëjnë zemrat mal me çdo paraqitje gjithandej nëpër botë. Janë inspirim i vërtetë për plot të tjerë që një ditë ëndërrojnë ta bëjnë krenar një komb të tërë. Distria e hapi rrugën e medaljeve në ‘Tokyo 2020’ sot. Le ta vazhdojnë Majlinda, Akili, Nora, Lorjana, Egzoni, Donjeta, Driloni, Musa, Eda e Olti!

Gjithmonë, çdokund e çdoherë krenarë me ju!

commentFirst article
Sot mund të lexoni Shfletoni kopertinat