Ekipi i xhudos i Kosovës ndodhet në Shqipëri në kuadër të kampit stërvitor, ku edhe janë vizituar nga ambasadori i Kosovës në Shqipëri, Skender Durmishi.
“Në Kampin stërvitor në Golem sot patëm një vizitë të Ambasadorit Skender Durmishi!”, shkruan Kuka në Facebook.
Kuka tha se me Durmishin folën për një sërë temash, mes tyre edhe për përgatitjet për Olimpiadën e radhës që zhvillohet pas tre vjetësh.
“U interesua për mbarëvajtjen e punës së ekipit tonë dhe diskutuam tema të ndryshme për nismën e ekipit tonë drejt Lojërave Olimpike Paris 2024.”
