Laura Fazliu shokon shtetin që nuk e njeh Kosovën, nënkampione e Evropës

Xhudo

Laura Fazliu shokon shtetin që nuk e njeh Kosovën, nënkampione e Evropës

Nga: Kemajl Goca Më: 30 prill 2022 Në ora: 11:38 Përditësuar në ora: 17:36 më 30.04.2022
Laura Fazliu në histori

Driton Kuka: Laura - potencial i madh për Lojëra Olimpike 

Xhudistja Laura Fazliu është nënkampione evropiane në kategorinë – 63 kg. 

Ajo sot shkëlqeu në Sofje të Bullgarisë, duke fituar medaljen e argjendtë në Kampionatin Evropian.
Driton Kuka, trajneri më i mirë në botë e Evropë, selektori i Kombëtares së Kosovës, tregon de ku ishte arma më e fortë e Laurës, e cila sot bëri mrekullinë.  

“Laura sot demonstroj përgatitje superiore. 

Teknikat e saja dhe gardi ishin ne nivel kulminant.

Potencial i madh për Lojëra Olimpike”, thotë Kuka për gazetën kombëtare “Bota sot”.

Dje, Distria Krasniqi u stolis me medalje të bronztë në kategorinë – 52 kg.

Edhe një sukses i madh për sportin e Kosovës, Driton Kuka - trajneri më i mirë në Evropë

Edhe një sukses i madh për sportin e Kosovës.

Driton Kuka u zgjodh trajneri më i mirë në Evropë për xhudo.

“Best Female European Coach 2021! Sot pos medaljeve të garueseve tona gjatë Evropianit u shpallën më të mirët e Evropes për vitin 2021!
Prej sot edhe Zyrtarisht treneri me i mirë Evropian për vajza!
Best European Female Coach 2021!

Kënaqësi e veçantë!

Në Ceremoni prezent edhe Ministri Çeku,Ambasadori Pllana,Kryetari i FXHK Agroni si dhe Kampionja jonë Majlinda!

Si trajner është arritja e vetme që se kam pasur në vitrinë e trajnerit!

Mirënjohës ekipit tim, që funksionon si familje e madhe!

Mirënjohës Kampioneve Olimpike por edhe tjerëve …

Jam krenar me të arriturat e nxënësve të mi për jetë!”, ka shkruar Kuka në profilin e tij në facebook.

Driton Kuka: Po po e argjendta e Laurës po shkëlqen sot!

Trajneri më i mirë në botë, Driton Kuka, selektor i Kombëtares së Kosovës, është sikur në qiellin e shtatë, me sukseset e fundit, Laura Fazliu (-63 kg) është fituese e medaljes së argjendtë dhe Distria Krasniqi (- 52 kg) - e bronztë.   

“Laura Fazliu - nënkampione Evropiane!

Po po e argjendta e Laurës po shkëlqen sot!

Medalja e saj e parë Elitare por jo e fundit për kolosën e re të xhudos!

Majlinda sot në krye të detyrës së saj!

Kosova mbi të gjitha…

Xhudo për Kosovën e popullin shqiptar!

Dy medalje po vijnë në Kosovën tonë”, ka shkruar Kuka në profilin e tij në facebook.

Ministri Çeku me disa fjalë për Laurën dhe Distrian

Ministri për Kulturë, Rini dhe Sport të Kosovës, Hajrulla Çeku, uron për medaljen e argjendtë Laura Fazliun dhe të bronztën Distria Krasniqi.

“Në europianin e xhudos në Sofje, Laura fiton të argjendtën, Disi të bronztën.

Kampionatin Europian 2022 që po mbahet në Sofje të Bullgarisë e nisëm me medaljen e bronztë të Distria Krasniqit, kampiones sonë olimpike. Suksesi vazhdoi edhe sot, në ditën e dytë, kur Laura Fazliu fitoi medaljen e argjendtë duke e marr titullin e nën-kampiones europiane. Paraqitje të mirë në kampionat patën edhe Flaka Loxha dhe Akil Gjakova. 

Kënaqësi e papërshkrueshme të përcjell nga afër ekipin tonë të xhudos. Rezultatet e tyre ndërkombëtare janë krenari për shtetin tonë. Mirënjohje të veçantë dhe përgëzime të përzemërta kryetarit të Federatës së Xhudos Agron Kuka, trajnerit Driton Kuka dhe xhudisteve e xhudistëve tanë të shkëlqyer”, uron ministri Çeku.

Laura Fazliu, fiton medaljen e argjendtë në Kampionatin Evropian

(E plotësuar) - Laura Fazliu (-63 kg) është fituese e medaljes së argjendë në Kampionatin Evropian, që po mbahet në Sofje të Bullgarisë.

Ajo në finale nuk ia doli me britaniken Gemma Howell. Sukses i madfh dhe historik i Laurës, nënkampion e Evropës.

 Xhudistja Laura Fazliu (-63 kg) me zemër të madhe shokon spanjollen Cristina Perez, duke e mposhtur me ippon.

Laura mposht rivalen që vjen nga shteti që nuk e njeh Kosovën. Laura në finale takohet me britaniken Gemma Howell.

Edhe një medalje sigurohet për Kosovën, pas të bronztën dje që e fitoi Distria Krasniqi.

Laura Fazliu futet në histori, kualifikohet në gjysmëfinale të Kampionatit Evropian.

Ajo tregoi zemër të madhe dhe pas vazhdimeve e mposhti Renata Zachovan e Republikës së Çekisë.

Laura lufton për finalen e madhe

Xhudiestja e Kombëtares së Kosovës, Laura Fazliu (63 kg), vazhdon me formën e lartë në Kampionatin Evropian, që po mbahet në Sofje të Bullgarisë. 

Ajo shënon edhe fitoren e radhës, pas një luftë të madhe dhe pas vazhdimeve. Laura është në çerekfinale.

Kësaj radhe e mposhti garuesen nga Britania e Madhe Madhe, Lucy Renshall. 

Në  rrethin e parë e eliminoi Kerem Primo nga Izraeli.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat