Agron Kuka: Laura -  vajza që ka sakrifikuar më së shumti, duke lënë familjen e saj në Mitrovicë...

Xhudo

Agron Kuka: Laura -  vajza që ka sakrifikuar më së shumti, duke lënë familjen e saj në Mitrovicë...

Nga: Kemajl Goca Më: 1 maj 2022 Në ora: 12:23
Laura Fazliu

Xhudistja Laura Fazliu është nënkampione e Evropës për kategorinë – 63 kg. 

Paraqitjet e saj lanë pa frymë të gjithë njohësit botëror. 

Ajo tregoi formë të jashtëzakonshme në Kampionatin Evropian, që po mbahet në Sofje të Bullgarisë. 
Shpejtësia e saj ishin arma shkatërruese për kundërshtaret dhe ia doli të stoliset me medalje të argjendtë, duke u futur në histori.

Image

Presidenti i Federatës së Xhudos së Kosovës, Agron Kuka, tha se Laura ka sakrifikuar shumë. 

Agron, a tejkaluat parashikimet me Laurën, një histori tjetër, një mrekulli tjetër, ku ishte arma e saj? 

“Së pari ju them se medalja e Laurës na ka gëzuar tej mase të gjithëve, se në një farë forme Laurën si ekip e kemi pikë të dobët me faktin se është vajza që ka sakrifikuar më së shumti nga të gjithë tjerët duke lënë familjen e saj në Mitrovicë si 15 vjeçare dhe ka ardhë në Pejë me synim të qartë për t’u avancuar në sportin e xhudos.

Image

Agron Kuka

T’ju them të drejtën për Laurën vetëm e kemi pritur momentin, andaj nuk është diçka e papritur edhe pse dje përveç finales luftërat tjera ka shkëlqyer.

Arma kryesore e Laurës ishte forca dhe shpejtësia marramendëse që natyrisht vinë si rezultat i punës dhe sakrificës shumë vjeçare.

Laura është sportistja e radhës me medalje elitare (por jam i sigurtë jo të vetmen) në sportin e xhudos, andaj si komunitet jemi shumë të kënaqur që elitarët po shtohen e padyshim kjo do vazhdoj falë punës brilante të trajnerit tani me epitetin e trajnerit më të mirë Evropian dhe Botëror Driton Kuka”, thotë Agron Kuka për gazetën kombëtare “Bota sot”.

Të premten, Distria Krasniqi ka fituar medalje të bronztë në kategorinë – 52 kg. Dy medalje, edhe një sukses i jashtëzakonshëm për Kosovën, falë vëllezërve Kuka, Dritonit dhe Agronit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat