Voton Uran Ismaili

Aktuale

Voton Uran Ismaili

Më: 17 tetor 2021 Në ora: 09:37
Uran Ismaili

(E plotësuar) - Kandidati i Partisë Demokratike të Kosovës për kryetar të Prishtinës, Uran Ismaili, ka ftuar qytetarët e kryeqytetit të dalin të votojnë për të zgjedhur të parin e Prishtinës.

Pasi votoi në qendrën e votimit në shkollën fillore “Ismail Qemali” në kryeqytet, Ismaili tha sa me padurim po pret rezultatet e sotme në kryeqytet.

Ismaili: Me padurim pres rezultatet e natës sotme

“Është nder dhe privilegj me qenë një ndër kandidatët për kryetar në Prishtinë. I falënderojë gjithë qytetarët që për këto 5 muaj më ofruan mbështetje dhe më dhanë shumë dashni në këtë rrugëtimin tonë të përbashkët. E pres me padurim rezultatin e natës sotme dhe e konsideroj të rëndësishme këtë garë, prandaj ftoj të rinjtë dhe të moshuarit e Prishtinës të dalin dhe me votën tyre ta zgjedhin kryetarin e komunës. Kjo është datë me rëndësi, prandaj ftoj qytetarët të dalin dhe me votën e tyre të vendosin kush do të jetë kryetar i komunës”, tha ai.

Kandidati për kryetar të Prishtinës votoi i shoqëruar nga bashkëshortja e tij

***

Kandidati i PDK-së për kryetar të Prishtinës, Uran Ismaili, ka hedhur votën e tij.

Ai ka votuar në shkollën ‘’Ismail Qemali’’ në kryeqytet.

Ai nuk ishte vetëm.

Ismaili ishte i shoqëruar nga bashkëshortja e tij Arizona.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat