Voton Daut Haradinaj

Aktuale

Voton Daut Haradinaj

Më: 17 tetor 2021 Në ora: 12:07
Daut Haradinaj

Kandidati i Aleancës për Ardhmërinë e Kosovës për kryetar të Prishtinës, Daut Haradinaj, ka votuar para pak çastesh.

Haradinaj ka ftuar qytetarët që të dalin në votime.

“Urime prishtinas, urime na priftë e mbara. Edhe një herë prishtinasve, kryeqytetit urime sot është një ditë feste. Lus qytetarët të dalin të votojnë dhe të bëhen pjesë e ndryshimeve që duan”, ka thënë Haradinaj para mediave.

Haradinaj gjatë votimit ka qenë i shoqëruar nga bashkëshortja e tij, Lola.

Në Kosovë janë duke u mbajtur zgjedhjet lokale 2021, ndërsa deri në ora 11:00 pjesëmarrja e qytetarëve në votime është 8,24%.

Sipas të dhënave të fundit të Komisionit Qendror të Zgjedhjeve (KQZ), të përditësuara në ora 11:00, deri tani kanë votuar 73 mijë e 928 qytetarë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat