Haradinaj: Ju lutem votoni të gjithë

Aktuale

Haradinaj: Ju lutem votoni të gjithë

Nga: A.M. Më: 14 nëntor 2021 Në ora: 10:16
Ramush Haradinaj

(E plotësuar) - Kryetari i Aleancës për Ardhmërinë e Kosovës, Ramush Haradinaj ka ftuar qytetarët e Prishtinës që të shfrytëzojnë të drejtën e tyre për të votuar për të parin e qytetit. Me rastin e votimit Haradinaj tha se raundi i dytë nuk është më pak i rëndësishëm se i pari.

Ndonëse kandidati i tyre për Prishtinën nuk arriti të shkojë në balotazh, i pari i AAK-së tha se mosvotimi në këtë raund të dytë është ndëshkim për katër vitet e ardhshme.

Haradinaj: Raundi i dytë nuk është më pak i rëndësishëm se i pari

"Raundi i dytë nuk është më pak i rëndësishëm sesa raundi i parë. Duke mosvotuar e ndëshkojmë veten për shkak se përgjatë katër viteve që do të vijnë do të jetojmë me rezultatin, me nivelin, me kualitetin e jetës ose të qeverisjes që ka ndikim direkt në jetën tonë. Ju lutem votoni të gjithë", tha ai.

***

Kryetari i Aleancës për Ardhmërinë e Kosovës, Ramush Haradinaj, ka votuar.

Ai ka hedhur votën në shkollën e mesme të mjekësisë “Ali Sokoli” në Prishtinë.

Haradinaj ishte i shoqëruar nga bashkëshortja e tij Anita Muçaj.

Ndryshe, sot po mbahen zgjedhjet lokale në 21 komuna.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat