Përparim Rama nga sot është zyrtarisht kryetar i Komunës së Prishtinës.
Rama sot është betuar në mbledhjen inauguruese të Kuvendit Komunal të Prishtinës.
Ai ka deklaruar se do të bashkëpunojë me të gjithë asamblistët, pa dallim partie.
I pari i Prishtinës tha se kryeqyteti do të jetë vend për të gjithë.
“Nga sot, ne iu përvishemi punëve. Prishtina do të jetë qytet i fëmijëve, të moshuarave, prindërve, sportistëve e artistëve. Vend plot mundësi, qytet i gjelbër. Me trafik të komunikueshëm e i digjitalizuar”, ka deklaruar kryetari Rama.
“Të nderuar asamblistë, si kryetar i Prishtinës, do të bashkëpunoj me secilin prej jush, për të mirën e kryeqytetit, për Prishtinën”, ka thënë Rama.
Kjo do të jetë zyra e Ramës, për mandatin e tij 4-vjeçar.
Zyra e kryetarit të Prishtinës, Përparim Rama
