Qiradhënësi e padit LDK-në për borxh

Aktuale

Qiradhënësi e padit LDK-në për borxh

Më: 18 janar 2022 Në ora: 20:53
LDK

Për një dekadë aktivistët e Lidhjes Demokratike të Kosovës kryen aktivitete të shumta brenda selisë në Vushtrri.

Por një gjë të tillë nuk dihet nëse do ta bëjnë më, kjo pasi pronari i objektit, Ymer Ukiqi, pretendon se nuk i është paguar qiraja.

Ky i fundit, përmes telefonit,  tha se dega e LDK-së këtu i ka borxh 9500 euro dhe për këtë arsye i ka dërguar në gjykatë.

Por, të kundërtën e thonë brenda LDK-së në këtë komunë.

“LDK, dega në Vushtrri, i ka kryer me kohë pagesat ndaj qiradhënësit, z. Ymer Ukiqi, siç shihet në këtë procesverbal të nënshkruar nga vetë z. Ukiqi. Për ne janë befasi këto deklarata. Çështjet brenda palëve i zgjidhim sipas ligjit. Por nëse z. Ukiqi ka presion nga pushteti i ri lokal për legalizim të objektit që të bëjë këso lloj deklaratash, i konsiderojmë joparimore dhe pa bazë”, thonë nga Komuna e Vushtrrisë

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat