Ramë Buja mbështet idenë e shkëmbimit të territoreve

Aktuale

Ramë Buja mbështet idenë e shkëmbimit të territoreve

Më: 25 janar 2022 Në ora: 22:28
Ramë Buja

Nënkryetari i PDK-së, Ramë Buja ka thënë se para një Asociacioni të komunave serbe me përgjegjësi ekzekutive është për shkëmbim të territoreve me Serbinë.

Nënkryetari i PDK-së sqaroi qëndrimin e tij rreth kësaj teme që sipas tij e kishte përmendur edhe në vitin 2001.

“Tri komunat e veriut nëse do të kenë kompetenca ekzekutive, Kosovën kurrë nuk do ta lënë të qetë. Është telashja e kufirit pasi që Cagllavica, Gracanica e këto tjera nuk përbëjnë rrezik. Mundësia e lidhjes së tyre fizikisht me Serbinë është telashe jo e vogël”, tha Buja në ATV.

“Unë në vitin 2001 e kam shtruar çështjen e shkëmbimit të territorit, ku edhe atëherë ka patur reagime dhe këtë temë e kam biseduar edhe me zyrtarë të Departamentit të Shtetit Amerikan”, tha ish ministri.

“Para Asociacionit me kompetenca ekzekutive jam për shkëmbim territoresh, që Lugina t’i bashkohet Kosovës dhe Veriu i Kosovës t’i bashkohet Serbisë”, tha ndër të tjerash Ramë Buja.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat