​Kurti takoi drejtuesit e KODE Labs

Aktuale

​Kurti takoi drejtuesit e KODE Labs

Më: 16 maj 2022 Në ora: 21:44
Pamje nga vendi i ngjarjes

Gjatë vizitës në Detroit, Michigan, kryeministri i Kosovës, Albin Kurti, u prit në takim nga drejtuesit e KODE Labs - Kosova & Detroit.

Në këtë takim u diskutua për mënyrat se si qeveria mund të punojë me kompanitë e teknologjisë së informacionit dhe të trajnojë profesionistë të kësaj fushe, në shërbim të zhvillimit dhe rritjes së potencialit dhe kapaciteteve të teknologjisë së informacionit.

U bisedua për potencialin e zhvillimit të produkteve softuerike që mundësojnë efikasitet operacional dhe qëndrueshmëri.

Drejtuesit e ndërmarrjes prezantuan projektet e kësaj ndërmarrjeje që ka dy zyra, në Detroit dhe Prishtinë, dhe operon në Amerikë të Veriut, Evropë, Azi dhe Australi.

Në takim u theksua klima tërheqëse për investime në Kosovë dhe gatishmëria e Qeverisë së Kosovës për të ofruar dhe siguruar kushte të favorshme.

KODE Labs - Kosova & Detroit është ndërmarrje e teknologjisë së informacionit dhe shembull i investimit të kompanive amerikane në Kosovë, që krahas suksesit dhe profitabilitetit të kompanisë, njëherësh mbështesin edhe progresin e vendit tonë në këtë sektor, thuhet në komunikatë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat