5 kandidatë për Drejtor të Policisë

Aktuale

5 kandidatë për Drejtor të Policisë

Më: 26 shtator 2022 Në ora: 20:48
Foto ilustrim

Dorëheqja e Samedin Mehmetit, la policinë me ushtrues detyre të drejtorit nga gushti.

Vendin e të larguarit pritet ta zë një prej pesë kandidatëve, që kanë aplikuar në konkursin e brendshëm për këtë pozitë.

Përzgjedhjen e tyre për fazën e intervistimit që s’dihet kur do të nisë, do ta bëjë komisioni i themeluar nga ministri i Punëve të Brendshme.

Jo zyrtarisht mësohet se ndër kandidatët është serbja, Sllagjana Stojanovic, shefe e administratës në rajonin e Mitrovicës, njofton Kk.

Pozitën e kreut të këtij institucioni e synon edhe Gazmend Hoxha, Drejtor i Departamentit të Operacioneve, që sfidohet nga drejtori aktual i Teknikës Kriminalistike, Bahri Shala.

Pjesë e garës është edhe Fatos Haziri, ish-udhëheqës i Departamentit Kundër Krimit të Organizuar e Granit Fetahu, drejtor për Sigurimin e Objekteve dhe Personaliteteve.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat