LDK-së i bashkohet asamblistja e AAK’së në Suharekë

Aktuale

LDK-së i bashkohet asamblistja e AAK’së në Suharekë

Më: 9 qershor 2025 Në ora: 13:57
Lumir Abdixhiku

Lidhja Demokratike e Kosovës ka mirëpritur në radhët e saj Sanie Kuqi – Rexhepaj. Ajo ka qenë anëtare e Këshillit të Përgjithshëm të Aleancës për Ardhmërinë e Kosovës (AAK) dhe asambliste e kësaj partie në Asamblenë Komunale të Suharekës.

Nga sot, i është bashkuar zyrtarisht LDK-së dhe degës së saj në Suharekë.

Në një takim të mbajtur sot, kryetari i LDK-së, Lumir Abdixhiku, së bashku me kryetarin e degës në Suharekë, Ardian Shala, e kanë pritur znj. Rexhepaj, duke shprehur mirëseardhjen dhe vlerësimin për kontributin e saj të deritanishëm në jetën publike dhe institucionale të komunës.

“Zonja Sanie i bashkohet rrugëtimit tonë me besimin e plotë drejt një pune të përbashkët për një të ardhme më të mirë në komunën e Suharekës,” thuhet në njoftimin e LDK-së.

comment Për komente lëvizni më poshtë
Sot mund të lexoni Shfletoni kopertinat