Çeku diskuton për Strategjinë e Arsimit 2035+

Aktuale

Çeku diskuton për Strategjinë e Arsimit 2035+

Nga: A.M. Më: 18 nëntor 2026 Në ora: 20:19
Hajrulla Çeku

Ministri Hajrulla Çeku ka zhvilluar një bashkëbisedim me studentët e rajonit të Gjilanit, në kuadër të konsultimeve për hartimin e Strategjisë së Arsimit 2035+.

Përmes një postimi në Facebook, Çeku ka bërë të ditur se strategjia po hartohet në mënyrë gjithëpërfshirëse, me synimin që kërkesat dhe sugjerimet e studentëve të merren parasysh.

Ai ka theksuar se krahas fuqizimit të arsimit parauniversitar, reforma do të përfshijë edhe arsimin e lartë.

Sipas tij, Kosovës i nevojiten universitete që përgatisin kuadro të afta për tregun e punës dhe që zhvillojnë shkencën në funksion të zhvillimit social dhe ekonomik të vendit.

Çeku ka vlerësuar se përfshirja e studentëve në këtë proces është e rëndësishme për ndërtimin e një strategjie që adreson nevojat dhe sfidat e sistemit arsimor.

Sot mund të lexoni Shfletoni kopertinat