Norvegjezët shkruajnë disa fjalë për Dardan Berishën: Pasi FIBA e pranoi Kosovën...

Basketboll

Norvegjezët shkruajnë disa fjalë për Dardan Berishën: Pasi FIBA e pranoi Kosovën...

Nga: Kemajl Goca Më: 24 nëntor 2021 Në ora: 19:07
Norvegjezët shkruajnë disa fjalë për Dardan Berishën: Pasi FIBA e pranoi Kosovën...

Norvegjia në asnjë formë nuk i druhet Kombëtares së Kosovës, madje ata kanë vetëbesim se do të fitojnë përballjen e nesërme (19.00), e cila luhet në Bergen në kuadër të Grupit C të parakualifikimeve për FIBA Eurobasket 2025.  

“Lojtari më i famshëm i Kosovës është 1.91 m i gjatë, Dardan Berisha.

33-vjeçari ka lindur në Pejë të Kosovës, por ka marrë nënshtetësinë polake dhe ka luajtur për Poloninë në finalet e Kampionatit Evropian në vitin 2011, me një mesatare prej 13.2 pikësh.

Pasi FIBA e njohu dhe e pranoi Kosovën si anëtare në vitin 2015, Berisha ka përfaqësuar vendin e lindjes. 

Ai më parë ka luajtur për Polonia Varshava, Cibonën e Zagrebit, Juvecaserta e Italisë dhe Nymburk nga Çekia etj. por është kthyer në Kosovë dhe luan për skuadrën e vendlindjes së tij, KB Peja.

Kosova ka edhe dy lojtarët më të gjatë: 18-vjeçari Dion Sheqiri me 2.08 m. dhe veterani Fisnik Rugova (33) i cili është 2.07 m”, shkruan faqja e Federatës së Basketbollit të Norvegjisë, “Basket.no”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat