Norvegjia në festë, kthehen pas 20 viteve, mburren si e mposhten Kosovën!

Basketboll

Norvegjia në festë, kthehen pas 20 viteve, mburren si e mposhten Kosovën!

Nga: K.Goca Më: 25 nëntor 2021 Në ora: 22:39
Norvegjia në festë, kthehen pas 20 viteve, mburren si e mposhten Kosovën!

Kombëtarja e Kosovës mposhtet me rezultat 86:77 nga Norvegjia, në ndeshjen që u zhvillua në Bergen të Norvegjisë. Basketbollistët e Kosovës dëshpëruan me lojë e me rezultat.  

“Fillimi i një aventure! Palestra  ‘Haukelandshallen’ vloi kur Norvegjia e ktheu ndeshjen me një ecuri 9:0 në periudhën e dytë dhe kaloi në epërsi prej 21 pikësh ndaj Kosovës.

Ishte emocionues fundi, por djemtë norvegjezë rezistuan dhe morën fitoren e rëndësishme në hapje të parakualifikueseve në Kampionatin Evropian”, shkruan “Basket. No”.

“Absolutisht magjike!

Një nga ndeshjet më të lezetshme që kam luajtur”, tha basketbollisti norvegjez, Harald Eika Frey.

“Gjëja më e rëndësishme është fitorja, por kemi folur për të gjatë gjithë javës. Ky është fillimi i një aventure për basketbollin norvegjez dhe nuk fillon vetëm në fushë.

Nuk do të arriinim kaq larg pa angazhimin që patëm në sallë”, tha Frey.

“Ambienti për ndeshjen e parë të Norvegjisë në shtëpi pas më shumë se 20 viteve, ishte perfekt.

‘Haukelandshallen’ ishte pothuajse i mbushur, me 2143 shikues, në mesin e tyre gati 100 tifozë nga Kosova që krijuan atmosferë të mrekullueshme”, shkruan “Basket.no”. 

“Norvegjia fitoi dhe u tregua një skuadër më e mirë se Kosova”, shkruan mes të tjera “Basket. No”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat