Aktorja e famshme turke, Neslihan Atagul ka hequr dorë nga seriali i saj i suksesshëm, Sefirin Kizi (Vajza e Ambasadorit), pas problemeve shëndetësore.
Aktorja, e cila është dobësuar shumë kohët e fundit, u dërgua me urgjëncë në spital javën e kaluar.
Ndërsa fansat po prisnin ditën që ajo do rikthehej, Neslihan Atagul i dha lamtumirën serialit, duke shpjeguar se sëmundja nuk e lejonte të punonte.
28-vjeçarja shpjegoi se është diagnostikuar me Sindromën e Zorrës së Irrituar (IBS).
“Përshëndetje të gjithëve, është koha t’i them lamtumirën Nares-s sime të dashur, gruas të cilën e ndjej thellë kur aktroj. Megjithëse unë e tolerova situatën, trupi im nuk më toleroi mua, prandaj duhet të pushoj pak,”- shkroi ajo.
Javën e kaluar, Neslihan Atagul i shqetësoi të gjithë kur u rrëzua në tokë ndërsa po xhironte një skenë.
Ajo u dërgua menjëherë në spital. Fillimisht u tha se ishte infektuar me COVID, por lajmet u hodhën poshtë nga producentët e filmit, duke thënë se aktorja kishte probleme me sistemin e tretjes.
