Njerëz që e gjykonin pse nuk mban zi, Jona Spahiu rrëfen momentin e ndarjes nga jeta të babait

Bota e Yjeve

Njerëz që e gjykonin pse nuk mban zi, Jona Spahiu rrëfen momentin e ndarjes nga jeta të babait

Më: 18 mars 2021 Në ora: 16:07
Jona Spahiu

Jona Spahiu ka qenë njëra prej protagonisteve të mbrëmjes së djeshme në programin “E ardhmja është vajzë”, nga Ermira Causholli. Ajo ka treguar detaje nga jeta e saj, si historitë e suksesit, sfidat që ka kaluar dhe momentin më të trishtë të jetës.

Pikërisht në rubrikën “Në Mundsh”, ku protagonistet flasin për vështirsinë e jetës, Jona ka treguar për ndarjen nga jeta të babait të saj, edhe pse prej kohësh moderatorja të tilla rrëfime nuk i ka bërë, pasi i dukej sikur kërkonte një ndjenjë mëshire të panevojshme. Megjithatë, Spahiu tha se i ati është larguar nga jeta kur ajo ka qenë 18 vjeç, ndërsa fakti që në kohën e komunizmit ka bërë 24 vite burg politik, e nxiste që të ishte i pranishëm për familjen e tij 1 milionë %.

Jona tregoi se ai ishte ndarë nga jeta për shkak të një ishemie të dytë, ndërsa një episod i ngjashëm i kishte ndodhur 2 vite më parë, gjë që nuk e kishte ndaluar të ringrihej dhe të frymëzonte vajzat e tij.  Kur i kishte ndodhur episodi fatal, moderatorja tregon se kishte bërë gjithçka që t’i merrte një mjek neurolog për ta ndihmuar:

Image

“Mjekët e urgjencës thanë se ishte një helmim i thjeshtë, por unë e dija që diçka nuk shkonte dhe kam shkuar në neurologë të ndryshëm, për ta marrë njërin në shtëpi. Unë me këmbëngulje e mora doktorin vetë, me taksi, dhe ai me një cinizëm që nuk e kam kuptuar kurrë, na tha që gjithçka do të shkojë mirë, për një njeri që të nesërmen vdiq”.

Image

Duke u përballur me një humbje kaq të madhe, bashkë me mamanë dhe motrën, Jona tha se iu desh të përballej edhe me komentet pas rikthimjt vetëm pas 1 jave në televizion, se përse nuk mbante të veshura rrobat e zeza. E pavarësisht të gjjthave, moderatorja thotë se kjo vështirësi kishte bërë që të gjente një forcë të cilën nuk mendonte se e kishte për të përballuar gjërat.

Shfaq komentet
comments powered by Disqus
Sot mund të lexoni Shfletoni kopertinat