Në librin me kujtime, “The Beauty of Living Twice”, aktorja e famshme Sharon Stone ka bërë një numër të madh deklaratash shokuese.
Pasi u publikuan fragmente ku ajo fliste për ngacmimet në industrinë e flimit dhe rrëfente se regjisori i një prej filmave ku ka interpretuar i kërkoi të bënte vërtet seks me kolegun (lexoni më shumë), në libër shkruhet një tjetër rrëfim tronditës, raporton “The Independent”.
Stone ka zbuluar se ajo dhe motra e saj Kelly ishin abuzuar seksualisht kur ishin fëmijë nga gjyshi i tyre.
Aktorja flet hapur për këtë përvojë të tmerrshme, duke përshkruar se si ajo dhe motra e saj u mbyllën në një dhomë me gjyshin e tyre, Clarence Lawson, kur ishin fëmijë, dhe se gjyshja ua kyçi derën. Ai pastaj i ngacmoi ato seksualisht.
Kur ai vdiq, Stone ishte 14 vjeçe dhe ajo thotë se u fut në arkivol për t’u siguruar që ai kishte vdekur.
“E pickova (për t’u siguruar që kishte vdekur) dhe kënaqësia e çuditshme që ai më në fund kishte vdekur më goditi si një ton akull,” shkroi Stone. “Unë pashë Kelly-n dhe ajo e kuptoi se gjithçka kishte mbaruar. Ajo ishte 11 vjeçe.”
Stone gjithashtu foli për një goditje në tru që pësoi kur ishte 43 vjeç, nga e cila gati vdiq. Ajo tha se të përjetonte vdekjen aq pranë, e bëri atë më të qetë.
Ajo përshkroi se ndërsa ishte në spital pa 3 miq që kishin vdekur dhe dëshironte të ishte me ta, por refuzoi dhe u mbajt pas jetës. Aktorja shpëtoi pas një operacioni që zgjati 7 orë. Më pas, ajo tha se përqafoi Budizmin.
Në fund të librit, Sharon Stone shkruan: “Unë mësova t’i shoh gjërat ndryshe. Këtë e kam mësuar nga vdekja, nga të jetuarit dhe nga të qenit ajo që më kanë quajtur shpesh: ‘Ylli i Fundit i Filmit’.”
Libri ka dalë në shitje dje, më 30 mars.
