Vetëm bizhuteritë e Arbana Osmanit në finalen e Big Brother VIP, kushtuan sa dyfishi i çmimit të fituesit

Bota e Yjeve

Vetëm bizhuteritë e Arbana Osmanit në finalen e Big Brother VIP, kushtuan sa dyfishi i çmimit të fituesit

Më: 19 shkurt 2022 Në ora: 23:34
Arbana Osmani

Të premten ka përfunduar spektakli i shumë shikuar nga shqiptarët, Big Brother VIP.

Aventura 136 ditëve e banorëve finalistë përfundoi me shpalljen e fituesit, i cili rezultoi të ishte balerini Ilir Shaqiri.

Spektakli maratonik është prezantuar nga moderatorja ikonike e këtij formati në Shqipëri, Arbana Osmani, e cila si gjithmonë shkëlqeu me dukjen e saj.

Fillimisht, ajo kishte veshur një kostum të kuq të kombinuar me disa bizhuteri smeraldi – një në qafë dhe një unazë tjetër në dorë.

Vetëm stolistë në fjalë kushtuan sa dyfishi i çmimit për fituesin kryesor, i cili sivjet ishte përcaktuar të ishte 100 mijë euro.

Kjo pasi varësja e moderatores nga gjiganti i bizhuterive “Roberto Coin” kushton plot 200 mijë euro, ndërkohë unaza e “Crivelli” ka një çmim prej 16 mijë eurosh.

Në paraqitjen e saj të dytë, Osmani u shfaq e veshur me një fustan të gjatë të kuq me mëngë të gjata të markës “Stella Maccartney”, i cili kushton rreth 2495 dollarë (2203 euro).

Ka qenë një mbrëmje vërtet emocionuese për Arbanën, e cila që në hapje të mbrëmjes finale deklaroi se është në pritje të fëmijës së saj të tretë.

 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat