Fifi iu drejtohet krerëve të shtetit të Shqipërisë: A mund të bëhem nënshtetase shqiptare ndonjëherë?

Bota e Yjeve

Fifi iu drejtohet krerëve të shtetit të Shqipërisë: A mund të bëhem nënshtetase shqiptare ndonjëherë?

Më: 11 gusht 2022 Në ora: 13:02
Fifi

Kantautorja e njohur shqiptare, Filloreta Raçi – Fifi, ka tash e shtatë vite që jeton në Shqipëri.

Megjithëse është lindur dhe rritur në Kosovë, ajo ka gjetur veten dhe vlerësimin për zhanrin e saj në shtetin amë.

E me gjithë këtë karrierë që ka krijuar atje, Fifi tani ka një kërkesë publike për krerët e shtetit.

Në një shkrim të publikuar në InstaStory, këngëtarja e hitit “Diell” ka kërkuar që të pajiset me pasaportë shqiptare – kërkesë të cilën ia ka drejtuar presidentit Bajram Begaj, kryeministrit Edi Rama, kryetarit të Tiranës Erion Veliaj dhe Ministres së Kulturës, Elva Margariti.

Image
Postimi i Fifit

“Si një vajzë shqiptare nga Kosova që veproj e jetoj tash e shtatë vite në Shqipëri dhe dua fort të pajisjem me pasaportën shqiptare me shqiponjë… A mund të ndodhi që të bëhem nënshtetase shqiptare ndonjëherë?”, ka pyetur artistja shqiptare.

Si këngëtare, Fifi ia ka arritur që ta marrë disa herë vëmendjen e krerëve të shtetit.

Në fillim të këtij viti, kryeministri Rama kishte publikuar disa pamje të Valbonës duke promovuar turizmin dimëror në veri, nën tingujt e këngës “Diell”. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat