George Clooney u shfaq në New York pas një shfaqjeje të tij në Broadway, por ajo që tërhoqi vëmendjen ishte pamja e tij e re — flokë të lyer ngjyrë kafe, që fansat i quajtën një “katastrofë vizuale”.
64-vjeçari, i cili luan në versionin teatror të “Good Night, and Good Luck”, u takua me fansat jashtë Teatrit Winter Garden, i veshur me stil në të zeza dhe syze të lehta.
Por transformimi i flokëve të tij — nga gri natyral në një ngjyrë të errët artificiale — u komentua gjerësisht, duke shkaktuar kritika e batuta në rrjetet sociale, shkruan DailyMail.
Madje, edhe bashkëshortja e tij, Amal Clooney, nuk është adhuruese e këtij ndryshimi.
Vetë Clooney e ka pranuar me humor që flokët e lyer “nuk janë të mirë” dhe se nuk është rehat me pamjen e re.
Ai tha se ka qenë thinjosh që në të 20-at dhe se stili i tij karakteristik është pikërisht ai “kripë e piper”.
Ndërkohë, Amal Clooney është parë solo në Festivalin e Filmit në Kanë, duke tërhequr vëmendjen me paraqitjet e saj elegante, ndërsa bashkëshorti i saj sfidon reagimet me pamjen e re në Broadway.
