Yjet do ta mirëpresin përsëri Dukeshën e Sussex-it ndërsa ajo xhiron një film në Hollivud.
Lily Collins, Brie Larson, Jack Quaid — djali i Meg Ryan dhe Dennis Quaid — si dhe britaniku Henry Golding janë ndër aktorët që po xhirojnë filmin “Close Personal Friends”.
Meghan, e cila tetë vjet më parë kishte njoftuar tërheqjen nga aktrimi, sot ndodhet në xhirime në Pasadena, Los Angeles, duke luajtur vetveten në prodhimin e Amazon MGM Studios, që flet për dy çifte – njërin të famshëm dhe tjetrin jo.
Mbrëmë, një burim nga studioja tha: “Ky është një moment i madh për Meghan dhe shënon kthimin e saj në atë që ajo e do me të vërtetë.
“Ajo është përmbytur me oferta, por kjo i është dukur më e përshtatshmja.
“Ky është mënyra e Meghan-it për të ‘zhytur gishtin në ujë’, pra për t’u rikthyer ngadalë në xhirime dhe për të parë se sa e shijon të qenët përsëri në set.”
“Të gjithë të përfshirët janë jashtëzakonisht të entuziazmuar dhe janë betuar për fshehtësi lidhur me përfshirjen e saj.
“Princi Harry, sigurisht, e mbështet plotësisht dhe thjesht dëshiron që Meghan të bëjë gjithçka që i sjell gëzim.”
Meghan, e lindur në Los Angeles, ka luajtur më parë në filmat “Horrible Bosses” dhe “Remember Me”, ndërsa famën e madhe e fitoi me serialin juridik “Suits”.
