Madonna duket se është kthyer pas në vitet 1990 në një fushatë të re reklamuese për parfumin e Dolce & Gabbana, të quajtur The One.
Këngëtarja 67-vjeçare e hitit Rebel Heart shfaqet në një video dhe në disa fotografi që rikujtojnë klipin e saj provokues të vitit 1990, Justify My Love, ku ajo paraqitej me të brendshme të zeza gjatë një takimi romantik në një dhomë hoteli.
Në reklamën për Dolce & Gabbana, ikona globale shihet e veshur me të brendshme në nuanca nude, përfshirë sytjena, të brendshme, çorape deri në kofshë dhe rrip për çorape.
Artistja me origjinë nga Michigani dukej dukshëm më e re se mosha e saj, me lëkurë pa rrudha dhe flokë biondë të lëshuar.
Pamja e saj habiti fansat, të cilët reaguan në rrjete sociale. “Uau, duket sikur është përgjysmë më e re,” shkroi një prej tyre, ndërsa një tjetër komentoi: “Ajo nuk plaket kurrë.”
Në reklamë, Madonna përfshihet në një trekëndësh dashurie, ku shfaqet në romancë si me një burrë më të moshuar, ashtu edhe me një mashkull më të ri. Në një nga skenat, ajo shihet duke skicuar trupin e të riut lakuriq, përpara se të shkëmbejë momente intime me burrin më të moshuar.
